Dua e Qunoot ek behtareen dua hai jo Musalman apne Rabb se apni haajat aur madad ke liye maangte hain. Iska zikr zyada tar Witr ki namaz mein hota hai, lekin ye dua kisi bhi mushkil waqt mein Allah ki rahmat aur madad ke liye padh sakte hain. Is article mein hum Dua E Qunoot Karne Ka Sahi Tarika or Fayde par roshni daalenge.
Dua e Qunoot Ka Matlab
“Qunoot” ka matlab hai “khuda ke samne khud ko jhukana, ajazi aur ibadat ka izhaar karna”. Dua e Qunoot ek khaas dua hai jo hum Witr ki namaz mein padhte hain, aur is dua ke zariye Allah se rahmat, madad, aur hidayat ki guzaarish karte hain.
Dua e Qunoot Ka Sahi Tarika
- Witr Ki Namaz Mein Padhna
Dua e Qunoot Witr ki namaz ke teesre rakat mein padhte hain.- Surah Fatiha aur Surah ke baad rukoo mein jane se pehle ya rukoo ke baad, dono tarikon se Dua e Qunoot padhi jaa sakti hai.
- Agar rukoo ke baad padhein, to “Rabbana lakal-hamd” ke baad haath uthakar is dua ko padhna hai.
- Dua e Qunoot Ka Lafz
Dua e Qunoot ke lafz kuch is tarah hain:“Allahumma inna nasta’inuka wa nastaghfiruka wa nu’minu bika wa natawakkalu ‘alayka, wa nuthni ‘alayka al-khair. Wa nashkuruka wa la nakfuruka wa nakhla’u wa natruku man yafjuruka. Allahumma iyyaka na’budu wa laka nusalli wa nasjudu wa ilayka nas’a wa nahfidu wa narju rahmataka wa nakhsha ‘adhabaka. Inna ‘adhabaka bil-kuffari mulhiq.” - Agar Yaad Na Ho
Agar ye dua yaad na ho, to apni zabaan mein Allah se dua kar lena bhi jaiz hai. Sirf “Allahumma-ghfir li” ya “Rabbana atina fid-dunya hasanah wa fil-akhirati hasanah wa qina ‘adhab an-naar” bhi padhi jaa sakti hai.
(Benefits )Dua e Qunoot Ke Fayde
- Allah Ki Rahmat Aur Madad Ka Waseela
Dua e Qunoot ke zariye insaan apni kamzori aur ajazi ka izhaar karta hai aur. Allah se rahmat aur madad ki talash karta hai. - Imaan Aur Tawakkul Ko Mazboot Banata Hai
Is dua mein Allah par poora bharosa karne aur sirf usi ki ibadat karne ka izhaar hota hai. Jo ek Musalman ke imaan ko mazboot banata hai. - Zindagi Ki Mushkilein Aasaan Hoti Hain
Dua e Qunoot Allah ki madad ka darwaza kholta hai aur insaan ki zindagi ki mushkilo ko aasan banata hai. - Gunaahon Ki Maafi
Ye dua Allah se maghfirat aur gunaahon ki maafi maangne ka tareeqa bhi hai. Jo akhirat mein insaan ke liye nijaat ka zariya ban sakta hai. - Dil Ko Sukoon Milta Hai
Dua e Qunoot padhte waqt dil ko ek ajeeb sukoon aur tasalli milti hai, jo insaan ki roohani halat ko behtar banata hai.
Khaas Tips
- Tahajjud Ke Waqt Padhna
Tahajjud ke waqt dua karna zyada maqbool hota hai. Is liye Dua e Qunoot ko is waqt bhi padh sakte hain. - Aksar Yaad Karein
Dua e Qunoot ko rozana yaad karne ki aadat daalni chahiye. Taake aap Witr ki namaz mein asani se padh saken. - Dil Se Padhna
Dua e Qunoot sirf zubaan se nahi, balki dil se padhna chahiye. Har lafz mein ajazi aur mohabbat ho, tabhi iska asar zyada hota hai.
Nateeja
Dua e Qunoot ek khaas dua hai jo Musalmanon ko Allah se aur kareeb le jaati hai. Is dua ke zariye hum apni zindagi ki har mushkil ke liye Allah ki madad aur hidayat talash karte hain. Is dua ko sirf ek rasam ke taur par nahi, balki apne dil ki gehraiyon se padhna chahiye.
May Allah hum sabko Dua e Qunoot yaad karne aur iske zariye apne Rabb se. Rahmat aur madad maangne ki taufeeq de. Ameen.
Some articles which will help you –
- Powerful Dua For Miracle in Love Back
- Dua for Love Marriage
- Islamic dua for love
- Dua for love and marriage
- Dua for loved one who died
This all are the most demanded dua which will help you to solve your problems.